Thursday, December 18, 2008

KOLDO JAUREGIRI ENTREBISTA MERKATU TXIKIARI BURUZ

Gabonetako oporrak laister hartzen ditugu, baina hala ere, Laskorain ikastolako hainbat ikasle, irakasle eta guraso, lanean jarraituko dugu, urtero antolatzen dugun merkatu txikian. Merkatu txikiari buruz gehiago jakin ahal izateko, hona hemen Koldo Jauregiri, merkatu txikiko antolatzaile eta irakasleari, egindako entrebista:

§ Nork sortu zuten merkatu txikia? Noiz?
1995 eta 1996-eko ikasturtean sortu genuen merkatu txikia, etikako hainbat irakasleek. Batzuk aipatzearren, Lourdes, Antton…
Lehenengo merkatu txikia, gaur egun Lekukit jostailu denda dagoen tokian egiten genuen. Eta orain berriz kultur etxe azpiko lokalean.

§ Zein da aurtengo lema?Nork asmatzen ditu lemak?
Aurtengo lema “Eutsi elkartasunari” da. Hauek ikasleak asmatzen dituzte, bi urtez behin gutxi gora behera, irakasleen . Hona men aurreko urteetako beste lema batzuk:
- Hemen € bat han milioi bat
- Ze urrun dago Sahara.

§ Zer moduz doaz prestakuntzak?
Ondo, antolakuntza handia eskatzen du baina dena aurrera doa arazo larririk gabe.

§ Guraso eta ikasleen partez laguntza handia jaso duzue? Gehiago behar, edo espero zenuten?
120 ikasle inguru apuntatu dira hainbat ikasturteetakoak lan desberdinak egiteko, adibidez, gauzak toki batetik bestera eramaten, prezioa jartzen, txukuntzen, salmentan… Gainera, batxilerreko 2.mailako ekonomiako ikasleak, dendaz denda, joan dira merkatu txikiaren berri emanez, eta gauzak emateko prest dauden galdetuz. Guraso eta irakasleen aldetik berriz, oraindik zehaztu gabe dago kopurua, baina ziur gaude, ekintza guztietarako laguntza jasoko dugula.

§ Zein dira gehien saltzen diren gauzak? Zer preziotan saltzen dituzue?
Egia esanda, denetik saltzen dugu, puzzleak, jostailuak, liburuak, arropa, eta bestelako hainbat gauza, baina denak baldintza egokian. Eta prezioari dagokionez, dendariek saltzen duten prezioaren herenean edo laurdenean saltzen dugu.

§ Irabazitako dirua nora doa?
Aurten 2 tokitara bidaliko dugu dirua. Alde batetik urtero bezala, Saharara, eta bestetik Indiara

§ Noiz irekitzen da eta noiz ixten da merkatu txikia? (egunak eta ordutegia)
Abenduaren 26tik, urtarrilak 6 arte egongo da zabalik. Goizez, 11:00etatik, 13:00tetara, eta arratsaldez, 17:00etatik 20:00etara. Urteberri egunean, goizez itxita egongo da.

IÑAUTERIAK KAZKABARRAREKIN











Aurten ere kazkabarra taldekoek,iñauterietarako prestatu digute nahiko festa.Urte honetako gaia marrazki bizidunak izango dira eta hauen artean;Vicky vikingoa, Goku, Pantera arroxa, Doraemon eta Gadget detektibea daude. Izena ematen duten guztien artean, pertsonaiak zozketatzen dira eta gero, ensaioak hasten direnean dantza bat asmatzen dute monitoreek. Jada ezin da izena eman baina anima zaitezte iñauteri hauetan benetan ondo pasatzera!






Wednesday, December 17, 2008

ABESBATZAREN GABONETAKO KONTZERTUAK




Aurten ere Laskoraingo abesbatzak bi emanaldi

eskainiko dizkigu gabonetan. Biak sakramentinoetako elizan izango dira. Lehenengoa abenduak 18 goizean, hau bereziki ikasleentzat izaten da, baina guraso batzuk ere joan ohi dira nahiz eta hauentzat abenduak 23 arratsaldean beste bat izaten den. Kontzertu honetan txikiek eta handiek hartuko dute parte Naiara Mintegiaren zuzendaritzapean.

Beraz, entzutera joatea animatzen zaituztegu.



Monday, December 15, 2008

GURE IKASLEAK ATZERRIAN!



Gaurko honetan berri pozgarriak ditugu, lagunok! Eusko Jaurlaritzako hezkuntza sailak atzerrian hizkuntz ikastaroak egiteko bekak eman ohi ditu. Aurtengo deialdian, eta oraindik onartuen zerrendak behin-behinekoak badira ere, Laskorain Ikastolako hiru ikasle dira hautatuen artean:
DBH 3ko Maria Zubiriak, Batx 1eko Andrea Aldazabalek eta Batx 2 ikasten ari den Irene Irurzunek hilabete pasako dute atzerrian, ingelesa ikasten, gastu guztiak ordainduta. Lehenengo biak Erresuma Batuan, eta Irene berriz, Irlandan. Aipatzeke ezin utzi beste gure hainbat eta hainbat ikasle ordezkoen zerrendan daudela, bajaren bat suertatuz gero ea beste norbaitek ere joateko aukera duen. Zorionak guztioi!!! Behin-behineko onartuen zerrenda ikusi nahi izanez gero, klikatu hemen.

Thursday, December 11, 2008

IKASTOLAKO HAURTZAINDEGI BERRIA






Kaixo guztioi!
Gaurkoan ikastolako haurtzaindegi berriari buruz hitz egingo dugu eta horretarako Iñaki Olaetxea, haurtzaindegiko antolatzaileetako batekin, hitz egin dugu.

Goizeko 7:30etatik arratsaldeko 19:30ak arte irekitzen da eta ikastola berak baino egutegi zabalagoa du, gabonetan, inauterietan…irekita egoten baita. Haurrak gehienez zortzi orduz egon daitezke eta gutxienez bi, eta halaber, beharrezkoa da egoten diren orduak jarraian egitea.
Haurtzaindegian hiru gela mota daude, bat 4-8hilabeteko haurrentzat da eta bertan 15 ume daude; bestea, 8-12 hilabetekoentzat, “lauoinka” deiturikoa, eta azkenik beste bi gela urtebetekoenak. Haurrak gaixotasunik badu ez ekartzea komeni da azkar kutsatu daitezkeelako eta haurra jasotzerako garaian aurretik baimena sinaturik dutenak bakarrik jaso dezakete haurra.
Bertako gelak kolorez beterik daude, haurren alaitasuna nabaria da eta beraiek eginiko marrazkiak poz handia dakarte. Monitore eta haurren artean goxotasuna da nabarmen, gustua ematen du haurrak horren lasai eta pozik ikusteak. Ikastolari puntu alai bat ematen dio.
Iraia eta Leire

Tuesday, December 9, 2008

EUSKARAREN EGUNA IKASTOLAN




Benetan rrakastatsua izan zen abenduaren 3an (asteazkenean) Laskorainen ospatu genuen euskararen eguna. Ikasle guztiek sutsuki parte hartu zuten, egile, aurkezle nahiz entzule gisara. Bejondeizuela guztioi, eta hemendik ZORIONIK BEROENAK antolakuntza lanetan ibili zareten guztioi, Itziarri eta Olatzi bereziki. Mila esker!

Saturday, December 6, 2008

DURANGOKO 43. LIBURU ETA DISKO AZOKA

Kaixo blogari!
Zer, Durangora joateko asmotan? Eguraldia behintzat ez dadila oztopo izan euskal kulturaz blaitzeko. Bertan izango dituzu aken nobedadeak, liburu eta diskoei dagokienez. Anima zaitezte!