Monday, September 28, 2009

GERRAKO EUSKAL UMEEI BURUZKO ERAKUSKETA


Espainiako Gerrate Zibila 1936 urtean hasi eta 1939an bukatu zen. Gerrak familia eta gizarte osoa zapuztu zuen eta noski, umeen haurtzaroak hautsi.1937ko martxotik urrira 33.000 ume erbesteratu zituzten itsasontzietan Frantzia, Erresuma Batua, Belgika, Sobiet Batasuna eta Mexikora, gerratik ihesi, bizitza hobe baten bila. Opor laburrak izango zirelakoan abiatu ziren baina Espainiako gerra amaitu eta Bigarren Mundu Gerra hasi zenerako, bi urte paseak ziren eta batzuk ez ziren itzuli.
Ibarrako Kultur Etxean irailaren amaierarte ikusgai dagoen"Bizitza osoa umeak izaten" erakusketan,irudiak, gutunak, marrazkiak eta agiriak ikus daitezke, baita orduko haurrak izan zirenekin elkarrizketak gertutik ikusi eta entzun ere. Idiezkerra fundazioak omenaldia egin nahi die euren izenak eta bizipenak historian galdu ez daitezen eta euren oroimena Oroimen Kolektiboaren barruan egon dadin.
Erakusketa hunkigarria, gazte nahiz helduentzat, gerra garaian ume izan ziren gaur egungo aiton-amonentzat eta gerraren guraso nahiz seme izan beharko ez luketen gazteentzat, hain zuzen ere.

Wednesday, September 23, 2009

AUTORIK GABEKO EGUNA




kaixo lagunak!!!
Ba al dakizue hurrengo ostiralean Tolosako kaleetan performance izugarria izango dela?Agenda 21 eta Zuloagatxiki natureskolak bultzaturiko ekimena da eta helburua autoa beharrean garraio publikoa erabiltzea da, edo oinez, edo bizikleta bultzatzea, hauek ez baitute kutsatzen!

Thursday, September 3, 2009

IKASTURTE BERRIA!


Hemen dugu jada 09-10 ikasturte berria, oporrak ongi aprobetxatu al dituzue? Denok moreno moreno eta aurpegi alaiekin ikastolako lehen egunera arte behintzat, ez da hala?. Ez larritu,aspaldian ikusi ez ditugun lagunak, irakasle jatorrak, gripea ... gauza asko ekarriko dizkigu ikasturte berriak. Animo eta ekin diezaiogun ikasturteari gogoz, ongi etorri!

Tuesday, June 30, 2009

BATXILERGOKO SARI BEREZIA CLARA URTEAGARENTZAT


Zorionak Clara!
Bukaera ezinhobea izan du BATX 2ko gure ikasle den Clara Urteagak. Batxilergoa matrikularekin bukatu ondoren, selektibitatea 9,18ko mediarekin gainditu du eta hori gutxi balitz batxilergoko sari berezia eskuratu du epaimahaiak azterketarik onenetarikoen artean hautatu baitu berea 150 ikasleren artean, elitekoak guztiak. Gehiago eska al liteke?
Esforzuak eta saiatzeak merezi duela ezin uka. Besteak beste, Europan zehar hilabeteko bidaia, hurrengo ikasturtean hilabeteko hizkuntz ikastaroa doan, AEBetan, Ingalaterran, Alemanian ... edo beste hainbat lekutan aukeratzeko eta baita karrerako lehen ikasturtea doan ere.
Arrazoi bat gehiago gure ikasleetaz harro egoteko.
ZORIONAK!!!

Sunday, June 28, 2009

DBH4koak CALA CANYELLESEN














Ziklo eta etapari agur esan diogu. DBH4ko ikasle gehienek gurekin jarraituko dute batxilergoan, baina badira gutxi batzuk beste ibilbide bati ekingo diotenak.
Beraz, guztiok batera, ikasbidaia egin dugu Gironako Cala Caneyllesera. Bertan, urpekaritza, ur eskia, lantxa azkarra, txurroa ... denetarik egiteko aukera izan dugu. Adrenalina pixka bat kanporatuz ederki pasatu dugu, Inaxio, Miren eta Helena L irakasleekin. Hona hemen zenbait argazki, horren adierazle:


IKASTOLAREN EGUN ARRAKASTASUA


Bai lagunok, ehundaka, zientoka izan ginen ikastolako egunean parte hartu genuen ikasle, guraso eta irakasleok. Eguraldia lagun, egun paregabeaz gozatzeko aukera izan genuen: bizikleta martxa, jaialdiak, haur parkea, eta bazkari ederra, Koldo Jauregi chef gidari genuela. Hurrengo urtekoa ere ez da gutxiago izango.

Thursday, June 4, 2009

TUENTI



Gaur egun jende asko da, tuenti-a erabiltzen duena. Baina ez dakizuenentzat, zer da tuentia?
Tuenti gazteentzat zuzendutako lagun-sare bat da. Bertan, erregistratzen bazara, zure tuenti orria eskura dezakezu. Behin hau lortuta, argazkiak igo ditzakezu, mugarik gabe; edo zure blogan testua idatzi; edo besteen tuenti-orrietan edota argazkietan komentarioak jarri...
Zure tuenti-aren pribazitate-maila aukera dezakezu: zure lagunek bakarrik ikusi ahala izatea, zure lagunek eta haien lagunek ikusi ahal izatea, edota pertsona guztiek ikusti ahal izatea.
Hemen, nahi dituzun pertsonak oso errez aurki daitezke: izen-abizen bidez, duten lan edota doazen eskolaren izena bilatuz, bere bizilekua bilatuz, martxara irteten diren zonaldeen bidez, lagunen lagunen bidez, e.a.
Tuenti beta pribatu bat da: dagoeneko erregistratuta dagoen norbaitek e-mail bitartez gonbidapen bat bidali behar dizu bertan sartu nahi eta zure tuenti-orria eduki nahi baduzu.
Informaturik zaude, oso erraza da tuenti-orria egitea, baina kontu handiz ibili zein pertsonekin hitz egiten duzun. Tuentiak, gauza askotarako balio du, adibidez:
lagun berriak egiteko, informatzeko, argazkiak ikusteko eta igotzeko, zure lagunekin hitz egiteko... baina beti pribazitate maila bat erabiliz.