Tuesday, February 2, 2010

PETER ROBERTS, MIMATZEN DUEN MIMO ETA HIZLARIA


Gaur Peter Robertsen "Mimarte"emaldia izan dute Laskorain ikastolako DBH4 ko ikasleek. Emanaldia baino oparia. Gaia... alkoholaren kontsumo eta prebentzioa. Zergatik? Gaur egun, inoiz baino informazio gehiago duten gazteek, inoiz baino azkarrago heldutasuna lortu nahi dutelako, "oraintxe bertan"ek geroari aurrea hartu diolako eta "nahi dut"ek "eman behar didazu"arekin sarritan konfunditzen dutelako. Posible al da gazteengana heltzea "no me rayes", "ez iezadazu kakarik eman" edo "sin más"erantzunik jaso gabe? Peter Robertsek posible dela erakutsi du behin eta berriz, gazteak bereganatu ditu. Gakoa? Ez dago informazio bolumenean, bere emozioak kilikatzean baizik.
Emanaldia amaitu ondoren eta beste batera abiatu aurretik, solasaldi interesgarria egiteko parada izan genuen. Aurpegi zuria garbitu bazuen ere eta arropaz aldatu, mimo aparta izateaz gain, hizlari aberatsa ere badela argi dago.Gaztelera du bigarren hizkuntza-lehena ingelera izanik- eta berarengandik jasotako oparia(elkarrizketa hitzak ez luke ongi islatuko berarekin mintzatzeak aportatzen duena)euskarara itzuli dugu, guztiok irakur ahal izateko.klikatu hemen.

Monday, January 18, 2010

KALDEREROAK!!

XIX. mende inguruan, ohikoa zen noizean behin, Europan zehar ibiltzen ziren familia edo tribu batzuk agertzea. Hiriko gertakizun handietakoa izaten zen kaldereroen etorrera, besteak beste, haien jazkerak, kantak, dantzak eta ohiturak oso bereziak eta ikusgarriak zirelako.

Gure artean zeudelarik, lanen jarduten zuten: eltzeak, bertzak eta metalezko beste gauzak konpontzen zituzten. Kaldereroei esker, Donostian zeuden atzerritar soldaduen desfileak gure ihauterietako danborrada festa alaiaren aitzakia bihurtu ziren.

Kaldereroen Konpartsak ezin hobeto erakusten du nola eutsi dakiokeen tradizio bati, festa hobetzeko diren berrikuntza guztiak onartzearekin batera.

Orain dela urte batzuk larunbatean ospatzea erabaki ziren ospakizun hau, eta azken urte hauetako kontua da, Konstituzio Plazako taulatuan orkesta oso bat, eta hungariar dantzak dantzatzen dituen talde bat aritzea, kaldereroen jardunari ikusgarritasuna eta kalitatea erantsiz.
Gainera, hasiera batean ez zen ohikoa festa hau baina pixkanaka zabalduz joan da, ikastetxe eta inguruko herrietara zabalduz, denek gozatu nahi baitute kaldereroen festak dakarren alaitasuna.

Tolosako ihauterietan zezenak



Tolosako ihauteriak oso ezagunak dira Euskal Herri osoan behintzat, eta hori bereziki bi ezaugarrirengatik gertatzen da. Lehenengoa oso herrikoiak direla, hau da, jende askok hartzen du parte mozorrotuz, karrozak eginez... Baina beste gauza oso inportante bat ere zezenak dira, ia arratsaldero zezen plazan dauden zezenak, plaza berrian sokamuturra eta azken egunean goizeko zortzietan egoten den Pattar zezena.Beraz esan dezakegu zezenik gabe ihauteriak ez liratekeela berdinak izango.

Monday, December 21, 2009

LH3koen ANZTERKIAK INGELESEZ!

Kaixo lagunok!

Aurreko astean, LHko ikasleek ingelesezko antzerkiak eskaini zizkiguten ikastolako areto nagusian. Gurasoak hantxe ziren, beraien aktoretxoak txalotzen eta irribarrea ahoan zutela.
Hona hemen LH3Akoen egin zuten THE WOLF AND THE SEVEN LITTLE KIDS antzezlana.Well done kids!

Eguberri On!


Dbh.3ko ikasleok Eguberri zoriontsuak opa dizkizuegu, kontuz ibili jandakoarekin gehiegi enpatxatu gabe eta hasiera ona eman 2010!!!Hementxe uzten dizuegu gure kantu ezagun bat egun hauetan entzungo duguna.

Friday, December 18, 2009

BONBERENEA XIII.URTEHURRENA

BONBERENEAK XII.URTEURRENA


Bonbereneak ekintza ugari egingo ditu bere 12. urteurrena ospatzeko, bai Abenduak 19an, baita Abenduak 23an ere.


Abenduak 19an, Bonberenea Txaranga eta Tolosako Buruhandien eta Erraldoien konpartsak irteera eder bat egingo dute Tolosan zehar. Abenduak 23an, berriz, okupazio eguna, alegia, Bonberenean afaria izango da, baina aurretik Bonberenea Txarangak kalejira eder bat eskainiko digu Tolosako kaleak alaitzen. Egun hau ondo bukatzeko, gauerdian su artifizialak izango ditugu.

Animatu eta hurren arte!!!

Wednesday, December 16, 2009

Euskararen eguna


Abenduaren 3an euskararen eguna ospatu zen, eta baita ere Argitxoren urtebetetzea. Argitxo bere bi laguntzaileekin Uzturretik jeitsi zen Laskorain ikastolako haurrei bixita egitera. Haurrek pozez gainezka, ongietorri ederra egin zioten, eskutitzak jaso eta Argitxok, haur bakoitzari opari bana eman zion.