Thursday, December 3, 2009
EGUN ARRAKASTATSUA, EGUN HANDIA!!!
Goizean goiz hasi gara bigarren hezkuntzakoak.DBH 3ko KOMUNIKABIDEAK arloko ikasleek egin dugun irratsaioa entzun dugu lehenik eta behin. Bertan, denetarik izan dugu, lehiaketak, elkarrizketak, euskararen inguruko oroitzapenak ... mometu hunkigarriak bizitu izan ditugu zenbait irakasle beteranok beraientzako euskara zer den esplikatzen zuenean. Pertsonai ospetsu bat ere etorri zaigu bisitan, "Maixabel" Ingalaterrako erregina, eta euskaraz hitzegiten, aizue! Eta hori guztia musika lagun genuelarik, abesti zaharrak eta modernoagoak, eta duela urte bete hil zitzaigun Mikel Laboari omenalditxoa ere egin diogu.
Ikasleek osaturiko txarangaren laguntzaz kalejiran atera gara, ikastolako pasiloak alaituz, patioraino. DBHko eta BATXeko ikasleak eta irakasleak, guztiok batera, Mikel laboaren "Txoriak Txori" kantatu dugu. Ah! eta dibertsikoek txistorra bokadilo goxo goxoak prestatu dizkigute!
Wednesday, November 18, 2009
EUSKARAREN EGUNA
Egun berezi hau toki ezberdin askotan ospatzen da, izan ere, egun honetan ospatzen dena oso garrantzitsua da euskaldun guztientzat: gure beharra duen hizkuntzaren eguna. Edozein hizkuntzak merezi du bere eguna izatea, zeren eta, gu gure hizkuntzarekin identifikatzen gara. Ikastoletan hainbat ekitaldi egiten dira egun honetan, gainera toki batzuetan (Nafarroan) jai izaten da egun seinalatu hau. Udalek egun onetarako egitarau interesgarriak jartzen dituzte, adibidez: bertso jaialdiak, musika emanaldiak...
Wednesday, November 11, 2009
Goazen Amasako jaietara!
HIRUILEKO BUKAERA
Monday, November 9, 2009
EMETERIOREKIN EUSKRAZ BIZIZ
“Euskaraz-bizi” proiektuari buruz jakin-mina sortu zitzaigula eta, Emeteriori, Laskorain Ikastolako zuzendari ohiari, elkarrizketa interesgarri bat egitea bururatu zitzaigun. Honek, proiektua nola hasi zen, zer nolako eragina izan zuen eta bitxikeria ugari aipatu dizkigu.
- Zergatik sortu zen euskaraz bizi proiektua?
Aspaldi, ikastolako patiora hurbildu ahala, gure ikasle guztiak etengabe erdaraz hitz egiten zutela konturatu ginen, eta gure hizkuntza euskara dela jakinda izugarrizko tristura sentitu genuen. Guzti honen eraginez, euskaraz bizi proiektua sortarazi genuen, ala, gure ikasleak beti euskaraz hitz egitera bultzatu eta izugarrizko eragina izan zuen pare bat urteren poderioz
- Zein izan da zure lorpen handiena?

Zalantzarik gabe, Laskorain Ikastolako ikasle guztiak ahalik eta gehien euskaraz hitz egitea izan zen nire lorpen handiena. Baina esan beharra dut, ez dudala nik bakarrik lortu, zenbait irakasle eta gurasoen ahalegina eta laguntzaren ondorioz, denak batera guztien amets hau betetzea lortu genuen.
- Hasi zinenetik orain arte aldaketarik sumatu al duzu?
Noski, aldaketa garrantzitsua sumatu dugu guztiok pasa diren urte hauetan. Oso kontentu nago ikastolan egon naizen bitartean lortutako lorpenekin.
- Ikastolan ez egotea, faltan botatzen al duzu?
Beno, orain oso gustura eta lasai bizi naiz. Gainera, orain ere ikastolako arduradunak oso ondo ari direla jakinda, ez dut nire beharra sentitzen. Arazoren bat suertatu ezkero, pozik joango nintzateke laguntza eskaintzera eta aldi berean, aspaldiko lagunak bisitatzera.
Artikulu osoa irakurri nahi baduzu, klikatu hemen
Friday, October 30, 2009
LASKORAIN IKASTOLAKO ADIMEN EMOZIONALEKO PROIEKTUA EUSKADI IRRATIAN
Wednesday, October 28, 2009
Mila Bergiristain eta Elena Orbegozori elkarrizketa.
1.- Non jaio zinen?
Mila: Alegin
Elena: Azpeitian.
2.- Zein kolore duzu gustokoen?
M: Urdina.
E: Denak, ez dut gustokorik.
3.- Liburu bat?
E: Los pilares de la tierra gustatu zitzaidan gehiena.
4.- Pelikula bat?
M: Ia ez naiz zinera joaten, ez dut gustokorik.
E: Noveccento.
5.- Idolo bat?
M: Ez dut idolorik.
E: Bruce Springsteen.
6.- Kanta bat?
M: Hegoak ebaki banikio.
E: Lau teilatu.
7.- Hobirik?
M: Mendira joatea eta koruan abestea.
E: Bizikletan ibili, irakurri, marrazketa...
8.- Futbol talde bat?
M: Intxurre, alegiko taldea.
E: Futbola gorrotatzen dut.
9.- Zein janari duzu gustokoen?
M: Arraia.
E: Patata totila.
10.- Mendia ala itsasoa?
M: Menditik itsasoa ikustea.
E: Biak.