Wednesday, April 1, 2009

KORRIKA 09!


Bihar Apirilaren 2an, korrika izango dugu Tolosa herriko kaleetatik zehar ibilbidea eginez.
10:40tan zapalduko du Tolosa 11:20ak arte.
Tuteran eman zitzaion hasiera Martxoaren 26an, eta Gasteiz amaituko da aurtengo korrika, Apirilaren 5ean.
Apirilaren 5ean sekulako jaialdia ospatuko da 16.ekitaldia ospatzeko.

Apirilaren 2an, Osteguna, Laskoraingo ikasle eta irakasleak haienkin abiatuko gara Tolosako ibilbidea eginez, geuk ere euskara bultzatzeko asmoz.

GU ERE BRETAINIARA

Laskorain ikastolako hainbat ikasleek ere, Bretainiara joan, frantsesez hitz egin eta beraien kultura gehiago ezagutuko dute.
Bederatzi herrialdeetan banatzen den lurraldea da eta 2.906.197 biztanle ditu denera.
Ikasleek, egunean zehar, horietako hainbat leku bisitatuko dituzte eta iluntzean berriz, bretoien familiarekin gauza asko ikasteko aukera izango dute.
Ondo pasatzea espero dugu!!!

Monday, March 30, 2009

ONGI ETORRI KORRIKA!


Ostegunean, ostegunean izango gara denok Tolosako kaleetan zehar korrikarekin bat gure izerdiak euskararen alde uzten.
Aurtengoan, 16. edizioan, Tuteratik Gasteizerako bidaia egingo du lekukoak eta apirilaren 5ean festa haundi batekin emango zaio amaiera euskararen aldeko ekimienari.
Badakizue, ikasle, irakasle, ikasle ohi, guraso ... etor zaitezte guztiok Laskorain Ikastolako kamiseta soinean duzuela, kiroletakoa edo ta XL. urteurrenekoa. Urrutitik ere ikus gaitzatela...
... LASKORAIN IKASTOLA EUSKARAREN ALDE, DENOK KORRIKA!

Kanta, Jon Maiaren letra eta Betagarriren doinua entzun nahi badituzu, klikatu hemen.

Monday, March 23, 2009

IKASLE BRETOIAK GURE ARTEAN

DEGEMER MAT! - ONGI ETORRI Tolosara!
Badira jada urte batzuk Laskorain Ikastolako Frantseseko irakasleen ekimenez burutzen den ikasleen arteko trukea.Euskal Herria eta Bretaña, antzekotasun eta desberdintasunak, ama hizkuntza erdal eremuan, gaztelera gure kasuan, eta frantsesera haienean.
Gaur goizean iritxi zaizkigu, autobusez, 29 ikasle eta 3 irakasle Bretañatik. 9:30ak aldera iritxi direnerako, zain zeuzkaten 5 egunez kide izango dituztenak, zein baino zein urduriago. Gehientsuenak internet bidez elkar ezagutu badute ere, aurrez aurrekoak sabelenan sortzen dizkigun tximeletak lasaitu nahian.
Ikastolako areto nagusian zuzendariak harrera egin ondoren, ikasle bakoitzari bere bikotea izendatu eta bi musuz elkarri ongietorria eman diote. Gau osoa autobusean pasa ondoren gosari goxoa prestatu diete, nola ez, Koldo J eta bere taldeak, eta bapo gosalduta ikastolako patiora jeitxi dira.
Goizeko ekintza Usabalgo piszinetara izan dute, eta bazkaldu ondoren TOLOSA TOUR! gure hizkuntza, kultura eta inguruak ezagutzera. Iluntzean berriz, etxera, gurasoak eta anai-arrebak ezagutu eta afaltzera, gure ikasleen etxeetan egongo baitira ostirala bitarte eta harat eta honat ibiliko baitira Euskal Herria ezagutzen.
Laskoraingo ikasleek aldiz, Aste Santu bueltan izango dute Bretañara joateko aukera.

Thursday, March 12, 2009

TOLOSALDEA GARATZEN 1.go LITERATUR SARIEN BANAKETA

Martxoaren 11ean, asteazkenean banatu ziren Tolosaldea garatzen-ek antolatu duen 1go literatur lehiaketako sariak. Berri onak Laskorain ikastolarentzat, gure 2 kide izan baitziren irabazleak. Alde batetik, 16 urtez azpikoen kategorian, JONE AMONARRIZ izan zen garaile, eta helduen kategorian berriz, ikastolako guraso den ARANTXA OTEGI.
Tolosaldea garatzeneko emigrazio sailak daraman sensibilizazio kanpainan beste pausu bat izan da, parte hartu duten lan guztiek gai bakarraren inguruan aritu behar baitzuten: emakumea eta inmigrazioa.
Ekitaldea, xumea izan bazen ere arras interesgarria surtatu zen, bertan baitzeuden Tolosaldea garatzeneko ordezkariaz gain, Colonbiatik etorri eta Tolosan 2 urte daramatzan Vania Orostegui, eta Rita Calderón, EREITE elkarteko kidea. Bi emakumeek euren esperientziak kontatu zituzten, bizitutako pasarteak, momentu txar eta onak eta gure artean interesa pizteaz gain, ikusleen galdera sorta majoa erantzun behar izan zuten.
Hauen ondoren Jone eta Arantxa aurreratu eta sariak jaso zituzten bi emakume etorkinen eskutik. Ondoren, noski, argazkilarien txanda.

ZORIONAK BIOI!

Wednesday, March 11, 2009

Emakumearen eguna Laskorain ikastolan


Garbiñe Gantxegiri, emakumearen egunari buruzko galderak egin dizkiogu:

Emakumearen eguneko ospakizunari buruz zer deritzozu?
Hobe da ez ospatzea baina gizartean dagoen diskriminazioaren ondoren, ospakuntza hau ondo dago egitea.

Zer ekintza dago gipuzkoaldean?
Nik dakidanez, Donostian ekintzarik azpimarragarriena, lilatoia da eta gure ikasleek parte hartuko dute.

Zergatik ospatzen da emakumearen eguna?
Lehen aipatu dizuedan bezala, diskriminazioa dago gizartean. Adibidez: emakumeek soldata gutxiago dute, etxeko-lanak emakumeak egiten ditu, tratu txarrak emakumeen aurka…

Zergatik lila kolorea emakumeen egunean?
Ehundura enpresa batean emakumeak greban jarri ziren lan baldintzak hobetzeko eta enpresa jabeak, sua eman zion enpresari eta emakume asko hil egin ziren.Orduan ehuntzen ari ziren ehuna lila kolorekoa zen, horregatik kolore hori

Mila esker Garbiñe!

Monday, March 9, 2009

EMAKUMEEN EGUNA OSPATU GENUEN!






Ostiralean, nazioarteko emakumeen eguna ospatu genuen DBH eta BATXeko ikasle eta irakasleok. Pasiloak apainduta eta guk geok zerbait morea soinean genuela. Ez ginen emakumeok soilik izan gainera, gero eta gehiago dira eta morez jantzita ikusten ditugun gizonezkoak.BATX 1eko ZTGko ikasleek bideoz erakutsi zizkiguten egunaren nondik norakoak eta emakumeeen egunaren ospatzea / aldarrikatzearen zergaitiak. beste Batx 1 eta 2ko ikasleek irratisaio bikaina eskaini zieten DBH 3eta 4koei gai bera aintzakotzat hartuta. DBH4koek bokadiloak saltzen jo eta su eta 12ak aldera, dekoraziorako erabili ziren posterren lehiaketa. Lastima sari gehiago ez izatea, guztion lanak eta merezi izan baitzuen saria. Bai potoloa gainera! Eta bukatzeko gizonezko irakaslek emakumezkoei eskainitako bazkari goxoa. Ikustekoak ziren denak pajarita jantzita gu erreginak beaikinan zerbitzatzen. Hunkitzeko moduko bertsoak ere bota zizkiguten oholtza gainetik. Nork eutsi malkoei?
Mila esker egun hori prestatzen aritu zareten / garen guztioi, bene-benetan.