Wednesday, November 2, 2011

ETAk borroka armatua bukatu du


ETAk borroka armatua utzi du,urriaren 20an Berriari emandako adierazpenean azaltzen duen bezala. Bertan esaten du Donostiko Nazioarteko konferentziak, garrantzi politiko handia izan duela eta aro politiko berri bat zabaltzeko aukera historikoa dagoela. Beraz, borroka armatuak ez duela lekurik garai honetan adieraziz, armak utzi dituela esan du. Jakingo duzuenez ETAk Euskal Herriaren independentzia eta sozialismoa lortu nahi du. 1958 urtearen bukaeran sortua, munduko erakunde gehienek terroristatzat hartu dute, baina beraiek «nazio askapenerako euskal erakunde sozialista iraultzaile»tzat dute bere burua.

Emen duzue hori adierazten duen bideoa.


Albiste hau entzutean atentzioa deitu digu eta jendeari galdetu nahi izan diogu beraien iritzia jakiteko. Kalean 20 pertsonari galdetzea lortu dugu eta hauexek izan dira erantzunak:

Zure ustez ETAk borroka armatua betirako utzi al du?

13 pertsonek baiezkoa erantzun digute.
6 pertsonek berriz ezetz.
4 pertsona dudatan geratu dira.

Beraz espero dugu borroka armatua betirako baztertzea baina, betirako utziko dutenik ezin dugu zantzuz jakin.

Tuesday, October 25, 2011

Berdintasunaren aldeko astea

Berdinbide elkarteak eta Tolosako Udaleko Berdintasun atalak bigarren urtez antolatu dute Berdintasunaren Aldeko Astea. Indarkeria matxistaren inguruan, bi ikuspegi jorratzen ari dira. Alde batetik, indarkeria jaso dutenen emakumeei talde atentzioa emateari buruzkoa. Bestetik, esku-hartze psikologikoa gizonezko erasotzaileekin. Horrez gain, Egipton emakumeek bizi duten egoera erakusten duen Kairoko emakumeak filma ikusi ahalko da. Berdintasunaren Astearen aurkezpenean, Edurne Mendia Kultura zinegotzia, Josebe Iturrioz Berdintasun teknikaria eta Jesus Maria Penilla Berdinbide elkarteko kidea izan ziren.

Egitarauko ekitaldietako bat bi egunetan izango da. Taldeko atentzioa indarkeriatik bizirik iraun duten emakumeekin izena du tailerrak eta Las Dignas mugimenduko Dinora Aguiñadak dinamizatuko du. Gaur izan da lehen saioa, eta etzi, asteazkena, izango da bigarrena, udaletxean, 18:00etatik 21:00etara.
informazio gehiago klikatu hemen.


Ander Iriarte.

Wednesday, October 19, 2011

Tolosa Kantari

Hil honetako Tolosa Kantari, euskal kantu jira, urriaren 29an izango da (beti bezala, hileko azken larunbatean), 12:00etan, Tontokaletik abiatuta. Oraingo honetan Legazpiko Alaitasuna errondailako musikarien laguntza izango dute, eta kaleak kantuz alaitzen aritu eta gero, kantu bazkaria egingo dute Oargi elkartean, 14:30etan. Bazkaria, babarrun-jatea, 17 euroren trukean izango da. Txartelak Xirimiri txokolategian daude salgai. Antolatzaileek kantu bazkarirako txartelak lehenbailehen eskuratzea gomendatzen dute, leku mugatua baitago. Txartelak hartzeko azken eguna urriaren 24a izango da.





Tuesday, October 11, 2011

SAKRAMENTINOEN ERAIKUNTZA BERRIAREN IREKIERA EKITALDIA



Eguraldiak gehiegi lagundu ez arren, hantxe ginen ikastoletako ordezkariak, artezkaritza kontseiluko kideak, arkitekto eta teknikari taldea, guraso, irakasle, langile, ikasle ... Joxean Oiz lehendakariaren ongietorriaren ondoren ikastolako koruaen doinuek alaitu ziguten eguerdia. jarraian, Jone Urteagaren, ikastolako zuzendariearen emozioz beteriko hitzek hunkitu gintuzten ederki! Ibilbide luzea izan du ikastolak eta erronka berriei aurre egiten aintzindari izan gara, hala nola: EUSKARAZ BIZI, ELEANITZ , AGENDA 21, ADIMEN EMOZIONALA ... eta hurrengo erronkarako gonbita ere luzatu zigun: KILOMETROAK 2013 TOLOSAN!
Pablo Dendaluzek, gure Spilberg partikularrak (lehendakariaren hitzetan) prestatu zigun bideoan ederki ikusten zen urte betean lorturiko lana, Sakramentino zaharretik gaur egungo eraikuntza dotorera.
Eta gero, gora eta behera, eraikuntza berriko txoko guztiak miatuz ibili ginen zenbait ikaslek bere bibolin, zeharkako txirula eta akordeoiekin gure belarriak goxatzen zituzten bitartean. Jatekorik ere ez zen falta izan!

Xumea baina dotorea  benetan, ekitaldia!

Friday, June 10, 2011

Tolosako guda igandean


Igande honetan, ekainak 12, Tolosako nafarroako zubian egingo da, tolosatik Napoleon igaro zen garaiko alardea. Alarde hau ezagun egin da herrian egun hauetan, bai prentsaren bidez eta baita udaletik bidalitako informazioari esker. Alarde ezagun honetan, Andia elkarteko kideez gain, Tolosako musika bandak ere parte hartuko du, garai haietan bizi ziren momentuak gogora ekarriz. Goizeko hamabietan ekingo dio alardeak Eduardo mokoroa musika eskolatik eta alde zaharreko kaleetan zehar kalejira eginez, Nafarroako zubiraino iritsiko dira bertako kideak, bertan guda handiari, frantzesen eta britainiarren artekoari, hasera emateko. Geroago, berriro bueltatuko dira musika eskolara, eta bertatik, berdura plazara joango dira bazkaltzera.

Tuesday, May 31, 2011

IKASTOLAREN EGUNA



Denok dakigunez Ekainaren 12 an gure ikastolaren eguna ospatuko dugu. Urtero bezala bazkarirako txartelak dagoeneko salgai dituzue idazkaritzan, helduek 12€ eta haurrek 6€ ordaindu beharko dituzte beti bezala. Erosteko epea Ekainaren 3 an amaitzen da. Menua urterokoa izango da: paella, oilaskoa, postrea eta kafea.

  • Aurtengo egitaraua ere kalean da jada. Hona hemen garrantzitsuenak:
  • 10:30 etan bizikleta ibilaldia Tolosan zehar
  • 12:30 HH ko jaialdia eta abesbatzaren kontzertua izango ditugu
  • 13:00 antzerkia areto nagusian
  • zoritxarrez buruz buruko txapelketako finala ez dugu ikusiko astebetez atzeratu baita.
  • Azkenik esan beharra dugu egun guztian zehar era guztietako jolasak edukiko ditugula era guztietako adinekoentzat.

Tuesday, May 24, 2011

ELKARTRUKE KONTZERTUA , BEGUESEKO ETA LASKORAIN IKASTOLAKO ABESBATZAK

Maiatzaren 7an, Tolosako Santa Klara elizan benetan emanaldi politta eskaini ziguten, alde batetik CORAL DEL INSTITUT DE BEGUÉS I COR DE MUSIC-ek eta LASKORAIN ABESBATZA-k. Laskorain abesbatzak antolatu elkartruke honetan, ikasle kataluniarrak asteburua pasa zuten Tolosan eta inguruetan. Ostiral iluntzean iritxi eta harrera familiek hartu zituzten. Larunbatean, Tolosako alde zaharra bisitatu ondoren, Donostiarantz joan ziren guztiak. Bazkal ostean berriz ere Tolosara, Santa Klara elizan entsaiatzera. Lizardi elkartean merienda bikainaren ondoren, kontzertua eskaini ziguten.  Hemen duzue ikusgai, begueseko abesbatzak eskaini zigun kontzertua. 
 

Friday, May 6, 2011

DBH 3 eta DBH4ko HAUTAZKOEN AURKEZPENAK

ANTZERKIA

KOMUNIKABIDEAK
INGURUGIRO TAILERRA
Maiatzean sartuta, dagoeneko 10-11 ikasturtearen azken txanpan gaude. Laister iritxiko dira 3. ebaluazioko errekuperazioak, azterketa finalak eta ikasturtearen amaiera ... eguraldi ona eta oporretako planekin batera: denbora librea, igerilekua, ondartza, kanpaldiak ...

Baina ikasturtea amaitu aurretik , dagoeneko hasiak gara 11-12 ikasturtearen antolaketan . Besteak beste, zuek dituzuen asmoak biltzeko garaia iritxi da.
Pentsatu al duzue zein HAUTAZKO gura duzuen hurrengo urterako? Ba horretan ari dira zenbait irakasle, informazioa ematen , zuen aukeraketa ahalik eta egokiena izan dadin.
FRANTSESA
Lehentasunezko aukera egin behar duzuela jakin, badakizue. Hau da, gustokoen duzuenari 1, ondorengoari 2 ... eta azkenengo zuen nahiari 4koa eman beharko diozue, kopuruak mugatuak izango direla bai baitakizue.

Animo ba, eta galdetu, doakizuen aurkezleari, bururatzen zaizkizuen galdera guztiak.

Agenda 21eko bilera Udaletxean

Asteazken goizean, komunikabideako ikasleak udaletxeara joan ginen elikadurari buruzko bilera batera.Han eskola eta ikastola guztietako Agenda 21eko ikasleak zeuden, horrez gain, alkatea eta udaletxeko teknikariak eta Zuluaga Txikiko antolatzailea. Berak Juan izena zuen eta bera izan zen gure galderak erantzun zituen pertsona bakarra.Galderak ez ziren asko baino bakoitza oso sakon eta txukun aztertu eta esplikatu zigun. Bilera horretan Laskorain ikastolako jende askok hartu zuten parte eta bakoitzak adin desberdinetakoak ziren.
Zuloaga txikiko arduraduna den Juanekin elkarrizketa hau izan genuen.

Bestalde, irakasleak eta DBH-ko ordezkariak joan ziren, argazki asko ateraz.

LASKORAIN ABESBATZAK BAIGORRIN KONTZERTU BIKAINA ESKAINI ZUEN

Laskorain abesbatza Baigorrin
Apirilaren 30ean, kontzertu itzela eskaini zuen gure Laskorain ikastolako abesbatzak Baigorrin, urtero legez, Nafarroaren egunaren harira egiten duten kontzertuan.

Bertan ziren Et Incarnatus orkestra, Amaren Alabak eta Eñaut (Ken 7ko kantaria), Laskorain abesbatzarekin batera. Baigorriko eliza berezi eta dotorea jendez lepo bete zen emanaldia kuttuna eta hunkigarria entzuteko.
Abesbatzako ikasleak, zenbait gurasoren ardurapean, larunbatean, eguerdi partean atera ziren Tolosako zezen plazatik, eta Baigorrira iritxi ostean, arratsaldean entsaioa egin zuten. Afarimeriendaren ostean, iluntzeko 21:00ean kontzertua eskaini zuten.
Hurrengo goizean, Baigorriko inguruak eta etxaldeak ezagutzeko parada izan zuten eta pozik bueltatu ziren Tolosara, gustora.
Kontzertua grabatu egin zen. Ea laister dugun diskoa entzuteko eta bideoa ikusteko aukera!

Thursday, April 14, 2011

KORRIKA TOLOSALDEAN

Apirilak 13, asteazkena. Korrika Tolosara iritxi den eguna ahaztezina egingo zaigu zenbaiti. Hori da jendetza bildu zena euskararen alde korrika, guztiok ere euskalakari!
Hantxe izen ginen Laskorain ikastolako ikasle, irakasle eta guraso, guztiok elkarrekin. Eroskiko zubitik Bentaundiraino eraman zuten lekukoa Mikel Hernandez DBH3ko euskara ordezkariak eta Miren Azpiroz irakasleak.
Korrika txikia ere izan genuen, beranduxeago, haur hezkuntzako eta Lehen Hezkuntzako ikasleek Tolosako kaleak bete zituzten euskararen aldeko irri eta oihuez.
Bejondeizuela guztioi!



Honako esteka honetan ere ikus dezakezue korrikaren inguruko beste bideo bat, oraingo honetan 28 kanalaren eskutik.

Tuesday, April 12, 2011

LASKORAIN ABESBATZA DISKOA GRABATZEN

Kaixo lagunok!
Hemen gatozkizue berriro ere aurrera daramagun disko grabaketaren berri ematera. Azken atal honen grabaketa Iurramendi egoitzan egin genuen, joan den martxoan. Bertan, ihauterietako bi abesti eta "Aleluya" grabatu genituen, eta Juantxo Zeberio eta Naiara Mintegiaz gain hantxe izan genituen gure lagun Nerea Erviti pianoan, eta Laskorain ikastolako ikasle eta ikasle ohiak, hala nola, Xabier Telleria , Iratxe Etxebeste, Aitzol Moneo ... Mila esker guztioi.
Hirugarren atala grabatzea geratuko litzaiguke, maiatza aldera egin nahiko genukeena.
Honetaz gain, diskoaren karatula eta honekin batera aterako den bideokliparen gidoia aurreratu xamarra dugu jada eta maiatzeko lehen astean grabatuko dugu Tolosako zenbait gunetan.
Hemen dituzue, aurrerapen gisara, Iurramendi egoitzan grabatu genituen irudiak.

Tuesday, April 5, 2011

BRETOIAK GIPUZKOAN ZEHAR



Astelehenean, goizeko bederatzietan iritsi ziren Tolosara eta beraien elkartrukeko lagunekin gosari eder bat egin zuten kiroldegian. Egun hori Tolosa ezagutzen pasa zuten Bretoiek. Egun horretan zehar aste osoan egingo duten egitaraua esan zien:

Asteartean, Oiartzunera joan ziren, hau da, Ardi Iturri meategietara. Asteazkenean, berriz, Hondarribira eta Ostegunean, Gernikara joan ziren, Batzar Etxea eta Museoa ikustera eta Ostiralean, Narvartera joan ziren Bertizera, tirolina eta piraguismo egitera.
Larunbatean,berriz, Donostiara joan ziren egun pasa beraien familiakoekin, hondartzara eta dendak ikustera.
Egunero, arratsaldean familiek jasotzen zieten trianguloan eta beraien etxeetan pasatzen zuten gaua.

Interkanbio honen helburua frantsesa eta gaztelera erabiltzea da, eta batez ere, ondo pasatzea.

Laskoraineko bertso afaria!!!!

Iñauteriak arrakastaz pasa ondoren ikastolak bertso afari dibertigarri bat antolatu du. Alde batetik, “Aitzol” eta bere belaunaldiari Tolosako herriak egin nahi dion omenaldi sortaren barnean Laskorainek ere ez du gutxiago izan nahi.

Bestetik, laskoraineko hiru ikasle ohiak elkartuko dira bertso emanaldia emateko, hauek dira: Amaia Agirre, Bixente Gorostidi eta Aitor Mendiluze.

Azkenik, ikastola osatzen dugun guztiok bai ikasle zein guraso edota langileak elkarrekin iluntze on bat igarotzea. Horretarako, denei gonbidapena bidaltzen dizuegu. Ekintza hau Usabalgo jangelan burutuko da Apirilak 8 ostirala gaueko 20:30tan. Menua, arrain paella, txekor izterra, tarta, Zabala kafeak oparituriko kafea eta pattarra da, guzti hori 25€ren truke eskuratu ahal izango da laskorain ikastolako idazkaritzan martxoaren 28tik apirilaren 5 arte.


Tuesday, March 29, 2011

Sakramentino berria!!

Laskorain ikastola txiki geratu zaigu. Matrikulazioa etengabean doa gorantz, eta bestalde, ongi dakizuen bezala, Berazubiko haurtzaindegia ihauteri ostean itxiko dute. Espazioaren arazoari aurre egin asmoz,  Sakramentinoetan eraikuntza berria egiten hasi dira. Zer Berriko kazetariok han izan gara eta bertakoekin hitz egin dugu.
Lehenik LH 2 ko irakasle den Gorka Egiarekin aritu gara, eta baita bere ikasleekin ere.Hona hemen beraiekin izan genuen solasaldia.

Iñaki Olaetxerekin, ikastolako gerentearekin ere hitz egin genuen eta adeitasunez obretara sartzeko gonbitea ere luzatu zigun . Hona hemen egin genion elkarrizketa eta obraren bideo bat:



Etxe berriko planoak ikusi nahi izatera, klika ezazue bertan. Eta argazkiak ikusi nahi badituzue berriz, hemen dituzue.

Friday, March 25, 2011

Aste Santua!


Aste Santua, kristau-erlijioan, Erramu-igandean hasten eta Larunbat Santuan bukatzen den astea da. Kristauen artean liturgia-jarduera handiko aldia daAste Santuaren aurrean Garizuma ospatzen dira.Ostiral Santuko eukaristian Jesusen Gurutziltzaketa eta Berpizkunde-igandeko bezperan Berpizkundea ospatzen dituzte. Horretarako herri-erlijiotasuna azaltzen duten ekintzak burutzen dituzte munduan zehar, esaterako Prozesioak edo Pasioaren antzezlanak.
Aste Santua Gipuzkoan Gaur egun hainbat herritan ospatzen jarraitzen da, dagoen fedeari, ohiturari edota errotzeari esker. Herri ezberdinetako ospakizunak azaltzen dizkizuegu, Gipuzkoan Aste Santua nola bizitzen den adibidea delarik.

Orain dela 40 urte arte, Gipuzkoako herri gehienetan prozesioak burutzen ziren. Baina ohituren aldaketak direla eta hauetako gehienak desagertu egin dira, nahiz eta kasu batzuetan berreskurapen lan handia egiten ari diren.
Eta informazio gehiago nahi baduzu sartu zaitez hementxe!

http://zerberriagenda.blogspot.com/

Tuesday, March 22, 2011

maitatu, ikasi, ari... euskalakari!!!

Kaixo lagunok, gertu ditugu aste santuak, eta haiekin batera baita KORRIKA ere. Aurtengoa, AEK-ak antolatzen duen 17. edizioa izango da, eta Tolosatik Apirilak 13an, asteazkenean, igaroko da goizeko 8ak inguruan. Edizio hau, Apirilak 7an trebiñun hasi eta apirilak 17an Donostian amaituko da. Korrika, AEK-k antolatuta, Euskal Herri osoan zehar egiten duen euskararen aldeko lasterketa erraldoia da. Bi mila kilometro baino gehiago euskararen alde, adin eta mota guztietako milaka korrikalarirekin, gau eta egun gelditu gabe. Korrika hasi eta amaitu arte, lekukoa pasatzen da eskuz esku eta kilometroz kilometro korrikalarien artean; lekuko horren barruan Korrika helmugara iristean, euskaldun ezagun batek irakurriko duen mezua doa, ordura arte sekretupean gordetzen dena.

Friday, March 18, 2011

JAPONIAKO LURRIKARA


Richter eskalako 8,9 graduko lurrikara izan da Japonia ipar-ekialdean eta ondoren, beste 50 erreplikatik gora izan dira, 5,1 gradutik gorakoak guztiak. Mila lagun baino gehiago hil direla jakinarazi dute berri agentzia batzuek, eta desagertuta dauden pertsonak gutxienez 500 dira. Zaurituta dauden pertsona kopurua ere oso handia da. Hildakoen kopuruak gora egingo du nabarmen, ziurrenik. Japoniak azken 140 urtetan izan duen lurrikararik handiena izan da. Sendaitik 130 kilometrora izan da epizentroa, Honshu irletan, 24,4 kilometro sakonera. Inguru hartan duela bi egun 7,3 graduko lurrikara izan zen, baina ez zen inor hil.


Baina lurrikarak, tsunami ikaragarri bat ere eragin du. Irudietan ikusi dugun bezala portuan 10metroko olatuak izan dira. Herrialdeko portu guztiak itxi egin dituzte. Tsunamiak autoak aurrean eraman ditu, eta gas isurien eraginez hainbat eraikin sutan dira. Tokion hamalau eraikin sutan dira, eta jendea kalera atera da. Garraiobide gehienen zerbitzua eten egin dute Japonian. Tokioko bi aireportutan zerbitzurik ez dago, tren zerbitzua ere eten egin dute eta herritarrei hiriko erdigunean geratzeko eskatu die gobernuak. Gobernuak gas hornidura etetea erabaki du, suteak saihesteko. Japonia lurrikaretarako prestatuta dagoen arren, gobernua ezinean dabil egoera egonkortzeko. Herrialdeko iparraldean sute handiak daude, eta horietako batek bi kilometro eta erdiko luzera du. Horrez gain, urtegi bat hautsi egin da, eta inguruko etxebizita guztiak aurrean eraman ditu.

11 zentro nuklear itxi egin dituzte, kalteak jasan dituzten aztertzeko. Halere, badaezpadako neurria dela adierazi du gobernuak. Erreaktorea hoztea lortu dute gerora, baina beldurra zegoen uraren maila jaistearekin batera inongo isuririk azalduko zen. Gobernuak adierazi duenez, ez dago isuri erradiaktiborik. Fukushima zentro nuklearraren inguruan bizi diren bi mila biztanle lekua uztera behartu ditu gobernuak



Kilometroak 2013 Tolosan!

Kaixo Zer Berriko irakurleak! Ba al dakizue non izango den  Kilometroak 2013an? Hementxe, Tolosan bertan! Laskorain Ikastolan! Lortzen dugun dirua oso lagungarria izango zaigu Sakramentinoetako ikastetxea berritzen ari baikara eta gastu horiei aurre egiten lagunduko baitigu. Izango dugu galtza bete lan antolatzen, baina gogotsu eta irrikaz jada parte hartzeko.

IKASTURTE HONETAKO AZKEN TXANPA
















Urtero bezela iñauterien ostean, 3.ebaluazioari ekin diogu jada. Azken txanpan sartu gara eta orain pixka bat ikasiz gero finaletara joan beharrik ez. Beraz orain saiatu eta udara polita pasako duzue, ziur gaude. Animo! gutxi gerantzen zaigu eta ikasturte amaierarako.

HEMEN DA JADA ASTE SANTUA

Hemen ditugu Aste Santuak. Batzuentzako, kristauentzako, alegia, egun esanguratsuak dira. Beste batzurentzako, ordea, eguneroko bizitzaz eta errutinatik urruntzeko egun aproposak.

Kristauentzako lau egun dira garrantzitsuenak, ostegunetik astelehenera. Igande horrertan alegia erramu eguna da eta jendea erramuak eskuetan dituztela elizara joaten da, apaizak erramuak bedeinkatu eata kalez kale ibiltzen dira prozesioan. Ezagunak dira gure inguruan, besteak beste, Segurako aste santu eta prozesioak eta baita Hondarribikoa ere.

Kristauak ez direnentzako, ordea, gehientsuenok opor egunak ditugunez bai eskolan eta bai lantokietan, eguneroko errutinarekin hautsi nahian Mediterraneo aldera edo eskiatzeko aprobetxatzen dituzte askok.
Zaudeten tokian zaudetela,  ongi pasa ezazue!

Thursday, March 10, 2011

"SALBA EZAZU BIZITZA BAT" LASKORAIN IKASTOLAN

DBH 4ko ikasleek, joan den otsailaren 25ean (ostiralean), osasun sailak antolatutiko "SALBA EZAZU BIZITZA BAT" programaren barruan, formazioa jaso zuten. Larrialdi egoera baten aurrean nola jokatu behar dugun ikasi eta DVD eta dummyen (muñekoen) bidez, praktikara eraman zuten ikasitakoa.
Hona hemen Luixi Arregiren (proiektu honetako arduraduna Laskorain ikastolan) hitzak proiektuari buruz.


Tuesday, March 1, 2011

Asteazkenean txistorrada!

Ostegun gizena baino egun bat lehenago Laskorain ikastolan txistorrada edukiko dugu txarangarekin batera. Eta goizean zehar irratsaio eder-eder bat edukiko dugu dbh-ko geletan. On egin deizuela! eta ondo pasa!


EGA

Euskararen Gaitasun Agiria (EGA) pertsona batek euskaraz zein idatziz, euskararen ortografia eta arauak ezagutzen dituela adierazten duen froga da. Hori lortzeko hiru proba edo azterketa gainditu behar izaten dira: Atariko proba, azterketa idatzia eta ahozko azterketa, orden horretan. Proba bat egin ahal izateko aurrekoa gainditzea ezinbestekoa da. Aurten, Laskorain ikastolako batxiller bateko ikasle guztiek gainditu dute atariko froga.
Atariko frogari buruz gehiago jakin nahi ezkero, egin klik hemen.


Friday, February 25, 2011

HEMEN DIRA JADA KALDEREROAK!


Otsailak 26, larunbata ...  Hartu zuen zartagia eta mailua eta irten zaitezte denok alde zaharreko kaleetara zuen trapu zaharrak jantzita. Ah, eta ez ahaztu txistorra mokadu bat jakteko aukera ere izango duzuela , anima zaitezte!
Kaldereroetako doinu eta abestiak bereziak eta ederrak dira. Hemetxe dituzue doinu batzuk.

Tuesday, February 22, 2011

PETER ROBERT´S Laskorain ikastolan


PETER ROBERT'S gure artean bizi den mimo Eskoziarra berriz ere gure artean izango da ostegunean dbh4ko ikaslei alkoholak eta drogek dakartzaten  arazoei buruz hitzegiteko. Badira zenbait urte iada Laskorain ikastolara etortzen dela bere ikuskizuna eskeintzera.
Iaz eskaini zigun elkarrizketa irakurri nahi baduzu, klika ezazu hemen.